因為創造你的是你的丈夫；萬軍的耶和華是伊的名。
救贖你的是以色列的聖者；伊的確稱做全地的上帝。
耶和華召你，親像召受棄拺心內憂傷的某，就是少年的時所娶受棄拺的某。
這是你的上帝所講的。
我放離你不過霎仔久，總是欲用大慈悲收你倒轉。
我發出受氣，暫時對你掩面，總是欲用永遠的慈愛憐憫你。
這是耶和華救贖你的主講的。
大山會徙開，小山會移徙；獨獨上帝的慈愛的確無離開你；
這是憐憫你的上帝所講的。《以賽亞書54章節選》
論到我，我是親像上帝厝內青翠的橄欖樹；我永永遠遠倚靠上帝的慈愛。《詩篇52:8》
因為祢行這，我要感謝祢到永遠。我亦欲佇祢聖的百姓面前向望祢的名，因為伊的名是好。
